KESISIATA ASOMAN Atipet ka Apatanu 1 Eitabo Losodit Itaabon luisisianakine t itunga luapolok asoman kaiwadik itosomaete Ebaibuli. Eipone loiwadikaere anyukutan: a e k n i s u o r t y m g b c w l p d g j Nuepolok: Kanuka aisisianakin naejok, ekot jo atupit epone loisisianakinet kede aicoreta nuejaasi toma (NUTUPITONO KOTOMA AISISIANAKIN). Mam itunganan yeni isisianakini akiro nuaisisiaeta kanu epedori aisisianakin kotenan, arai mam nges esiomi kacoite ka aitetemonor nuebala Ekesisianakinan kotoma NUTUPITONO KOTOMA AISISIANAKIN. Ibusakinit cut ekesisianakinan aisiom kere kaitemonokin aisisianakin nginitutubet naka akiro nuisisia eroko, isisianakina ikesisianike — kisisianak kotupite kwape ejaatar “Adoketa Akany” kaicorakineta nuejaasi NUTUPITONO KOTOMA AISISIANAKIN, Apapulai 4-17. Koany ebe epedori ikesisian alimunun inyukutan kere lueruosi kotoma asaduku kana, ka ainyogonyog asiomenen. ka kai ke kee ki ko ku na nai ne nee ni no nu sa sai se see si so su ra rai re ree ri ro ru ta tai te tee ti to tu nya nyai nye nyee nyi nyo nyu ya yai ye yee yi yo yu ma mai me mee mi mo mu nga ngai nge ngee ngi ngo ngu ba bai be bee bi bo bu ca cai ce cee ci co cu kwa kwai kwe kwee kwi kwo kwu la lai le lee li lo lu pa pai pe pee pi po pu da dai de dee di do du ga gai ge gee gi go gu ja jai je jee ji jo ju Esabuli 23 EJAKAIT ngesi ekecokonika; Emamei ibore yenepuda. Kesiperikini amelo: Kengarenikini ariri naka akipi nueliiliete. Iteteuni ekatau; Kengarenikinit korotin luka adolit kanuka ekekiror. Eebo, karaida ketor aditot naka etoribe Loka atwanare, Mam akurianar aronis kere; Naarai ijai ijo keong; Akonimorok ka ebelakon kes ketalakarito. Itemonokini ijo emesa neajai eong Kakonyen nuka lukasurupoka; Inyonyoik akinyet akouka; Ilapanar kadereka. Abeit ajokis ka aitim katupenenete eong Aparasia kere nuka aijaraka; Eboienenei kotogo loka EJAKAIT ikar kere. AILIP NAKA EJAKAIT YESU: Anyukutan: Aso kilipenenete yesi kwanata: A a “Papakosi loejai toma akuj, Ekonikiror B b kitalaunai, Akonijakanut kobu. Nuikoto ijo kiswamai kakwapin kwape iswamaere C c kotoma akuj. Koinakinai sio lolo D d ikosinyamat luka lolo. Kisionioi isio apeseninikos, kwape kisionio isioda E e lukapeseninikos. Sirikiya sio toma G g acodunio konye koyuunai kama ejai I i lokaronon. Naarai ajakanut ka apedor ka apolou eraasi nukon ikar kere. J j Amen. Matayo 6:9-13 K k L l IKATUNGA (EJO, KOWANYUTU CA) M m Kiponiisio aiyalamikin arai epedorete ngul N n luitosomaete Kesisiata Asoman aicor isio kanu ikamunitos ekesisianakinan Ng ng kitosomaete eipone lo itosomatai koitabo Ny ny kalo. Isukunyuni isio Akusi aomisio ka O o nuidaut yesi asesen. Ipuda isio airar kama ija yesi. Kiwadikak isio kane: P p R r Iitabon lu Kesisiata Asoman edumakiniomama: S s Hands In Service T t P.O. Box 294 U u Soroti, Uganda W w This primer is underwritten by Y y World Home Bible League. KESISIATA ASOMAN Atipet ka Apatanu Ikewadikak: Freda Adiamo John Levi Ekanyu Mackay E.A. Elessu Ruth Marjorie Elessu Patrick Okabe Sam Omuju Aisisiaet 1-23 Anyukutan nuegeete kotoma aisisiaet kes nuta: 1. a,e,k,n 9. -- 17. kw 2. i,ai 10. ny 18. l 3. s 11. -- 19. p 4. u 12. y, Y 20. d, oi 5. o 13. m 21. g 6. r 14. ng 22. j 7. t 15. b, ee 23. Anyukutan 8. -- 16. c Nukapolok Loetolomunan: Literacy Outreach Uganda Namirembe Diocese P.O. Box 14297 Kampala Copyright @ Literacy International, 1992 NUITODIARETE Itunganan yen kapolon ido kopedorite aisiom ka aiwadik erai ameda mama ejai akwap ke ka ekanisa ke. Epedori da itunganan ngin amisiikin kairic ikisila luka akwap ke. Kanuka apedorit ke aisiom kajaut kamisiikin naiyatakina, epedori do nges aigang kojokan akwap ka ekengarenok ke. Itunganan yen kapolon yen ejeni aisiom epedori araun Ikristayot yenicasit ejok kanuka aisiom Akirot naka Edeke. Epedori ngesi aingarakin ejok Ekecokon kede icie da kotoma okanisa, naesiomia nges elopet bon Ebaibuli. Ebala Ebaibuli ebe: “Aso nasodit kakere, ecori ebe kosiomenenete ainganga, ka ailip, ka aipur, ka aimal da kanuka itunga kere, kanuka ikabakan ka ngul kere luejaasi kapolou, tetere kijaun kaijar naitenara naiyamakina, toma ayongit Edeke Eketajaran wok loekotor itunga kere aitajario ka adolokin da ajenun abeit”. (I Tim. 2:1-4) Ngol Kristayot ekot korai loesiomi Ebaibuli duc duc. Kengaranakinos bonik ka bonik ajenun aisiom ka aiwadik. Ngin Kristayot yen epedorit aisiom, ekot aisisianakin yenice da yen mam epedorit aisiom. “Yenice kisisianak yenice,” tetere kwangin kopedosi itunga kere ajenun aisiom. Kesisiata Asoman erai noi kanuka aisisianakin Ekristayot aisiom Ebaibuli ke. Ejaasi atutubeta aarei nukaisisiaeta 60 kere. Ibusakinit ekesisianakinan aitup NUTUPITONO KOTOMA AISISIANAKIN kanu aisisianakin aisisiaeta nu kotenan. Anyukutan nukapolok itodiarit kotoma aisisiaeta na 23. Akiro nue Baibuli egearos kotoma aisisiaet, Akirot na 12, naitodiari Ekiror Yesu. Ejai aitijenunet na toma kanu ewadikatere kanuka ekesisianakinan aisiom akaulo na angetakin aisisianakin nginitutubet naka aisisiaet. Isulai, aimar, ka aiwadik ebaluwa isisianakinio kotoma Atutubeta nuka aisisiaet na 33 ka 34. Awaragasia nuka Ebaibuli nuiturianitai ejaasi Atutubeta nuka aisisiaet 35 kitoni 60. 2 IKISILA LUKA AISISIANAKIN NAEJOK 1. Kiner mot mot. Kiyapepeara. 2. Kiner kaurianut. 3. Kisinyikok duc ekesisian kon. Kitur kanuejok nuiswamai ngesi. Siritunyunyuranakini kanuka aibucanareta ke. 4. Siri kitema ebe, “Mam mere kwangin. Mam ijo ijeni”. 5. Kiyapepeara, koinak aitubusikini mama ejai ekesisian kon. Koyaite nges kwape yenikarianu kon; mam cut itopoloor adepar nges. 6. Siri kikwenar aibucanareta arai bo nat luce akwenar nges. 7. Komina ikesisian kon ido kisinyikok nges ebe epedori ngesi ajenun asioman katipet. Ailip — Aijaanakin — Alimonokin KIITU EBE: Mam cut epatana aisisianakin adio aisisiaet koitabo kala kotenan arai mam itupit kabeit “adoketa akany”. Tape isisianakini kotenan. Ibusakinit esisianakinan aikamun kotau “Adoketa Akany” nuisisianakinet aisisiaet nasodit (1) ka aisisiaeta nuetupakinete. Koany Apapulai 22 ka 24. Koanyu da NUTUPITONO KOTOMA AISISIANAKIN. Aisisiaeta nu atutubet kanasodit (1) elosikitai aisisianakin kotupitete “adoketa akany” bon ido mam bobo eceipone kere. 3 NUTUPITONO KOTOMA AISISIANAKIN A. EIPONE LO ALIMONOKIN I. Aitemonokin kanu Alimonokin II. Nuinera Ekristayot B. EIPONE LO ISISIANAKINET I. Aitemonokin Kanu Aisisianakin II. Nu Egeikinete Asoman III. Nuinera Ekesisianakinan IV. Eipone Loisisianakinet Aiwadik V. Aswam Naka Ekesisian kore Kotoma Apak ke VI. Anyukutan Nukapolok NUENGETAKINETE A. EIPONE LO ALIMONOKIN I. Aitemonokin kanu Alimonokin Apeleikinet kosi na aswamu na aisisianakin kana, erai kanu aisisianakin itunga ajenun aisiom Ebaibuli loepedori aitogogong aiyuunikec karaut itunga luepedorete alimonokin kotoma Okanisa. Ekot ekesisianakinan kokapakina ayangaar kwape na arereng alimonokin kotoma ainapetake nuaisisianakini. Neingarakina ijo ekonikesisian aisiom, (itacauni) ijo eipud loemoyoke. Ekot ekesisianakinan korai epapero Ioka itunga luisisianakini ngesi. Agear ka angetakin atukot kede nuiwadikaere ka ailip engaari ekek lo alimonokin. Ekesisianakinan loeinakina itemonokin ber sek ailip ejok eroko iriamuna kede itunga luisisianakini ngesi. Ajenanut naka ekesisianakinan akaulo na aisisianakin nginitutubet nakaisisianakin ke erai ibore yen epol noi. Ejai ajenanut naka Ebaibuli toma apapula naetupakini kanginitutubet naisisianakinio. Epedori ekesisianakinan asiomakin ajenanuto nu neejaasi itunga luisisianakini ngesi (ikesisiakake) arai aisiom ajenanuto acie da kotoma Obaibuli. Kotoma aisisiaet na 12, itodiaritai ekiror loka Yesu, ido kotoma nginitutubet nasioman, kangun kangin aisisiaet ejaasi nuiwadikaere. Ekot ekesisianakinan (kokapakina) aitodiar kaikeun Yesu kuju tetere itunga luisisianakini ngesi eanyunete Yesu kacamun da Ngesi. Abu Yesu kotema ebe, “Arai ekear eong kuju, eriuni eong itunga kere mamaka”. Aisisianakin komam alimonokini kotoma mam ejok (isilosikina). Alimonokin komamei aijaanakin naejok mam epedori airiun itauon luka itunga neejai Yesu. Konye ailip, aijaanakin kotoma amina kede alimonokin — nu kere 3 nepepe einakinete arereng naejok noi airiun itunga luipu nejai Yesu Kristo. Kotoma ageunet naka kangin (aisisiaete) atutubet naka aisisia, ekot aingarakin ekesisian araut lo iyalama loepupi ejok. Einakini ngin ekesisian 4 akapakin acamun alimonokin na ekesisianakinan. Nu kesi nutupitono kanu aitijenaar eijiri kotoma aswam na naka aisisianakin. II. Nuinera Ekristayot Arai isisianakini ijo kailip nepepe ka amina naka Kristo, ingitanakinos do itunga luisisianakini ijo kotauono kec ebe, “Kanubo inyo ejokiar ekesisianakinan kosi kamamakosi?” Ingisi ekesisianakinan aingiset na kotoma angeset naka aisisianakin ke nasodit ebe: “Ijeni ijo akiro nueinakinito ikristayon isisianakinete itunga ajenun asoman?” Kosodi do ekesisianakinan atemar ebe, Iswamai isio nu naarai icorakinit Yesu Kristo isio aswam kwangin. Yesu Kristo ngesi Ekengarenoniwok, Etunganan loejok kakere ageun kageunet loabu kojaun toma akwap. Abu Yesu Kristo kitangaleunene luadekasi, kitwekeny akonye numudukiok, kitanyam luariebi etengei — ido adepar nu kere, abu Yesu kamina eong noi kanu ainakin akeijar katwanare Komusalaba kanuka adiakanaretaka kanukonida. Abu Yesu kotwanik itunga kere koinak akekijar kwape asubanit. Abu Edeke kitajaru Ngesi kokatwak ido ejari Yesu kiton lolo ejai toma akuj ka Edeke. Epedori Yesu aisioni adiakanaretawok kainakin da oni ainapakin naka Edeke toma otauonowok. — Akoto eong ijo ajenun Ngesi, kaisiom akekiro nuejaasi toma Obaibuli. Erai Yesu Kristo eketajaran ido epedori araun eketajaranikon da. Kotoma aisisianakinikon na amina idumuni jo arereng nakalimonokin itunga luisisianakini ijo eijiri loka Yesu. Araut epapero loka itunga luisisianakin ijo tetere nges emunokin ijo engaari erot lo epaperonekus adolokin toma opaperone ka aitajar naka asianut naka Yesu. Kidau ijo aisisianakin atutubet (aisisiaet) naiareit kotoma aisialamikin kaisinyikokin, itunga luisisianakin ijo, ikapakin do ijo alimonokin bobo nakiareit. Arai ipedori ijo aisiom ilia einer, ipedori ijo atemar ebe: “Abu eong kalimok ijo (yes) amina naeumokina naka Yesu loabu kotwanik oni ido ejari kanuwok. Akoto eong asiomakin ijo (yes) akiro ace nueumokina noi nuka Yesu Kristo nuejaasi toma Obaibuli. Itunga lumam epedoritos aisiom, mam ejenete nuejaasi toma oitaabon. Eraasi do kesi bala imudukiok kotoma akiro nuejaasi toma oitaabon. Konye akaulo na ijo (yes) adaun aisisia akiro nu aisisia kana, ijenuni do ijo aisiom. Kwangin kopedori do ijo da ilopet aisiom akiro nuka Yesu nuejaasi toma Obaibuli. Eraasi nu akiro nuka etunganan loauritai emudukana —” (Yokana 9:1-7,35-41). Alimonokin naka ekesisianakinan nges atutubet naepol noi kotoma akiro nuisisianakini ngesi kwape ekalimonokinan loka itunga luisisianakini ijo, esiomakini ekesisianakinan itungake ikokoron lukajenanuto luejaasi apapula naetupakin kotoma kangin aisisiaet. Epedori ekesisianakinan aisiom ikokoron ngul, arai aseun icie kere da luejaasi Obaibuli. Kobongonok aingiseta nuingisete ikesisiak. Kopupok eporoto loka Emoyo Lokalaunan, loepedori 5 ainakin ijo nuinera kaidar ijo kotoma akiro nuinera ijo. B. EIPONE LO ISISIANAKINET I. Aitemonokin Kanu Aisisianakin Eroko ijo isisianakina ekesisiakakon, ekot ijo alimokin kesi ebe ikoto ijo kesi da apedor aisisianakin icetunganan ajenun aisiom akaulo na (kesi) adaun ajenun aisiom kotoma aisisianakin kon. Kwape adumuna ekesisianikon aingarakinio na ajenun aisiom ekot nges kokapakina aingarakin icie da aisisia ajenun aisiom. Aisisianakin itunga luepolok itegelikina kama kaisisianakin idwe ludidik (mam eputos). Etunganan loepol mam ngesi itingaikinio abunore aisisia. Itunga luepolok luipu ekuriaka aisisia naarai eomito kesi ebe erai naileic kacut arai itakadikin kesi arai ekurwoki kesi aisisia. Konye ekotosi itunga luepolok aisisia atipet ido kotoma apatanu. Kanukangun ekot ekesisian loerai etunganan loepol ainakin ageun aisiom kotoma atutubet nasodit. Mam ekoto ijo aitakadikin ekesisianikon (itunga luisisianikin ijo), naarai ikoto ijo ngesi abongun bobo aisisia. Kanukangun ekot ijo aitam airic kaswam akiro nuta kacoite ejok: 1. Kiner mot mot, kaiyapepeara kede ayongit. 2. Kodunyakinite aisinyikokinite ikesisiakakon. Mam imurwokin aisialamanakin ngesi kotoma aswamuke naejok naiswamai ngesi. Mam inyunyurikin arai kibuca ngesi. 3. Korai loiyapepeara ido koinakite ayongio nejaasi ikesisiakakon. Koyanga ngesi kwape loeputos kajo, mam itoduun bala ipol ijo noi. 4. Mam ikwenie kanuka aibucenareta arai da acamakin icie akwena araikibuca idiope. Siri isuburik ikesisian bala ti ejeni (akiro kere) aisiom atipet. Bobo da mam iyait ngesi kotoma adoketait naeinakini ngesi aomom bala isisiai ngesi moti moti. 5. Komina itunga luisisianakini ijo kosodi alimokin kes ebe icamunit ijo ebe ejenunete kesi aisiom katipet. Koinak aisisia korai naiyalama naeminakit itunga. 6. Arai mam ijo ipedori aisisianakin komou ekesisianakinan ece arai kitemonok kede ikesisiaka kon apak ace naipedoria ijo aisisianakin kes. Na isisianakinia ijo kiitunite akiro nu nuepolok: 1. Kolim akiro adis nuipedor ijo. 2. Siri kilimu ebe, “Mam, eroko ngun” arai bo nat ebe, “Ngipengin da mam ijo ijeni?” Kotam aingarakin nges ajenun abongokinet ngesi elopet bon. Arai ianyu ijo ebe ibusakinit, ipedori jo alimokin ngesi abongokinet. 3. Ingit aingiseta bon nuepedorete ikesisiakakon abongokin. Mam ingisi ekesisian akiro numam ngesi ber isisianakinitai. Edukun do aijen naka ekesisian kotoma abongonokineta nuabeit. 6