Creation – Gen. 1 Sa pagsugod sa Dios pagbuhat sa kalibotan ug kalangitan, ang kalibotan haw-ang ug walay hitsura ug ang kangitngit mitabon sa katubigan. Unya miingon ang Dios, motungha ang kahayag, ug mitungha ang kahayag. Nahimuot ang Dios sa kahayag nga iyang nakita ug gilain niya kini sa kangitngit. Ginganlag nyag Adlaw ang kahayag ug ang kangitngit Gabii. Gimugna sa Dios ang tubig, kalangitan ug ang yutang mala ug miturok sa yuta ang nagkalainlaing tanom, kadtong may binhi ug kadtong mga kahoy nga mamunga sumala sa ilang klase ug nakita sa Dios nga kini maayo. Gimugnaa sa Dios ang Adlaw, Bulan ug mga Kabituonan aron paghatag ug kahayag ug mga timailhan sa mga kapanahonan. Gimugna sa Dios ang mga Isda ug mga Kalanggaman sumala sa ilang klase. Nakita sa Dios nga kini nindot ug gipanalanginan sila sa Ginoo ug miingon, pagsanay kamo ug pagdaghan kamo ug pun-a ang tubig sa kadagatan ug ingon man ang mga kalanggaman modaghan ug mosanay. Ug gimugna sa Dios ang mga kahayopan sumala sa ilang klase ug nakita sa Dios nga kini maayo. Ug ang Dios miingon, atong buhaton ang tawo sama sa atong panagway ug magadumala sila sa mga isda sa kadagatan ug mga langgam sa kahanginan ug mga kahayopan ibabaw sa kalibutan. Busa gibuhat sa Dios ang tawo sama sa iyang panagway, lalaki ug babaye. Ang Ginoo nagapanalangin kanila ug nagaingon, panganak kamog daghan ug lukpa ang kalibotan ug dumalaha kini. Kamoy magmando sa mga isda sa kadagatan ug mga langgam sa kahanginan lakip ang tanang binuhat nga nagalakaw sa kayutaan. Unya miingon ang Dios, gihatag ko kaninyo ang tanang tanom nga may binhi ug tanang bunga sa kahoy aron inyong kan-on. Gihatag ko usab sa tanang ihalas nga mga mananap ug sa kalanggaman ug mga binuhat nga dunay kinabuhi ang mga tanom nga lunhaw aron ilang kan-on. Nakita sa Ginoo nga maayo gayod ang tanan nga iyang gibuhat ug nalipay kaayo siya. Kining tanang butang gihimo sa Dios sulod sa unom kaadlaw. Adam and Eve, Genesis 2 Sa unom ka adlaw gimugna saDios ang langit u gang yuta. Sa ikapito ka adlaw ang Dios mipahulay gikan sa tanan niyang gibuhat. Gipanalanginan sa Dios ang ikapitong adlaw ug gibalaan kini kay mipahulay siya sa tanan niyang gipamuhat. Sa dihang gibuhat sa Dios ang langit ug yuta, nagkuha siyag yuta ug giumol kini ug gihuypan ang ilong niini sa gininhawa sa kinabuhi, u gang tawo nahimong buhing binuhat. Unya ang Dios nagtanum ug maanindot nga tanaman nga gitawag ug Eden, didto tua ang tanang maanindot nga mga tanum ug mga kahoy nga maayong kan – on. Ug ang Dios nagbuhat ug upat ka suba nga nag – agas gikan sa tanaman, nganha sa tunga niini hain ang kahoy sa kinabuhi ug ang kahoy sa pagkahibalo sa maayo ug dautan nahimutang. Unya gipahimutangsa Dios ang tawo sa tanaman aron nga iya kining atimanun. Ug ang Dios misugo sa tawo,”Mahimo kang mokaon sa bisan unsa nga bunga sa kahoy sa tanaman apan ayaw gayud kauna ang bunga sa kahoy sa pagkahibalo sa maayo ug sa daotan, kay sa dihang imo kining kaonon mamatay gayud ikaw.” Ang Dios miingon,”Dili maayo alang sa tawo ang mag – inusara. Magbuhat ako’g katabang nga angayan kaniya.” karon ang Dios nag – umol gikan sa yuta ug tanang mananap sa kaparangan ug tanang langgam sa kahanginan. Iya kining gidala sa tawo aron Makita ug unsay iyang i ngalan niini; ug kun unsay gitawag sa tawo diha sa matag us aka buhing binuhat sa Dios, mao na kini ang iyang pangalan. Gani ang tawo naghingalan sa tanang kahayupan, sa mga langgam sa kahanginan ug sa mga ihalas nga mga mananap. Apan kang Adan walay ikatabang nga angayan kaniya. Gipakatulog sa Dios ang tawo ug sa dihang nahinamok na kini, iyang gikuha ang us aka gusok niini ug nagbuhat siyag us aka babaye gikan sa gusok sa lalaki. Unya ang lalaki miingon,”Sa katapusan, nia na ang bukog sa akong bukog, ang unod sa akong mga unod, siya pagatawgon nga babaye tungod kay siya gikuha man gikan sa lalaki. Ug tungod niini ang lalaki mobiya sa iyang Amahan ug Inahan, makighiusa sa iyang Asawa, ug ang duha mamahimong us aka unod. Ang tawo u gang iyang asawa walay mga sapot, apan wala sila maulaw nini. The Fall of Man – Gen. 3 1Sa tanang mananap nga gibuhat sa Ginoong Dios, ang bitin mao ang labing limbongan. Gipangutana sa bitin ang babae, “Gidid-an ba diay kamo sa Dios pagkaon sa bunga sa tanang kahoy sa tanaman?” 2Mitubag ang babae, “Makakaon kami sa mga bunga sa tanang kahoy sa tanaman 3gawas sa kahoy nga anaa sa taliwala niini. Gidid-an kami sa Dios sa pagkaon ug bisan gani sa paghikap nianang kahoya. Kon supakon namo kini, mamatay kami.” 4Miingon ang bitin. “Dili tinuod ng mamatay kamo! 5Gisulti kini sa Dios kaninyo kay nasayod man gud siya nga kon mokaon kamo niini, maabli ang inyong salabotan ug mahisama kamo kaniya nga nasayod ug unsay maayo ug daotan.” 6Sa pagkakita sa babaye nga ang maong kahoy maanindot kayo ug laming kan-on ang bunga niini ug nakapahimo kaniyang maalamon, mikuha siyag bunga ug gikaon niya kini. Unya gihatagan niya ang iyang bana ug mikaon usab siya. 7Pagkahuman gayod nilag kaon, naabli ang ilang salabotan ug nakita nila nga hubo diay sila. Busa naghimo silag mga tapis gikan sa mga dahon sa kahoyng igera aron itabon sa ilang lawas. 8Sa pagsalop na sa adlaw, nadungog nila ang Ginoong Dios nga naglakaw sa tanaman busa mitago sila sa kakahoyan. 9Apan ang lalaki gitawag sa Ginoong Dios, “Hain ka ba?” 10Ang lalaki mitubag, “Nadungog ko ang imong paglakaw sa tanaman ug giabot akog kahadlok ug mitago ako kay hubo man ako.” 11Kinsay nagsulti kanimo nga hubo ka?” nangutana ang Dios. “Mikaon ka ba sa kahoy nga gidili ko kanimo?” 12Ang lalaki mitubag, “Ang babaye nga gihatag mo kanako maoy naghatag kanako sa bunga sa maong kahoy ug mikaon ako niini.” 13Ang Ginoong Dios nangutana sa babaye, “Nganong gibuhat mo man kini?” Ang babaye mitubag, “Giilad ako sa bitin busa mikaon ako niini.” 14Ug ang Ginoong Dios miingon sa bitin, “Tungod niini silotan ka; ikaw lamang sa tanang mananap ang mahiagom niining tungloha: sukad karon magkamang ka na pinaagi sa imong tiyan ug magkaon ka nag abog sa tanang adlaw sa imong kinabuhi. 15Himoon kong magkaaway ikaw ug ang babaye; ug mahimong kaaway ang imong kaliwat ug ang iyang kaliwat. Dugmokon niya ang imong ulo ug paakon mo usab ang iyang tikod.” 16Ug miingon siya sa babaye, “Dugangan ko ang imong kalisdanan inigpanamkon mo ug ang kasakit nga imong bation inigpanganak nimo; apan bisan pa niini, mangandoy ka gihapon sa imong bana ug siya maoy magbuot kanimo,” 17Unya miingon siya sa lalaki, “Tungod kay nagpadani ka man sa imong asawa ug mikaon sa bunga sa kahoy nga gidili ko kanimo, mahimong tinunglo ang yuta tungod sa imong gibuhat. Maghago ka pag-ayo sa tibuok mong kinabuhi una pa kini mohatag ug igong abot alang kanimo. 18Moturok sa yuta ang mga sampinit ug mga sagbot alang kanimo ug magkaon ka sa mga bunga sa kapatagan.. 19Magpatulo ka sa imong singot ug maghago pag-ayo una pa mohatag kanimog abot ang yuta hangtod mobalik ka sa yuta nga imong gigikanan. Hinimo ka gikan sa yuta ug sa yuta ka mopauli.” 20Ginganlan sa lalaki ang iyang asawa ug Eva kay siya man ang inahan sa tanang mga tawo. 21Ug nagbuhat ang Ginoong Dios alang kang Adan ug kang Eva ug mga sapot nga panit sa mga mananap ug gibistihan niya sila. 22Unya miingon ang Ginoong Dios, “Karon ang tawo nahisama na kanato ug nahibalo na siya unsay mayo ug unsay daotan. Kinahanglan dili siya tugotan pagkaon sa bunga sa kahoy nga naghatag ug kinabuhi aron dili siya magpabiling buhi hangtod sa kahangtoran.” 23Busa gihinginlan sa Ginoong Dios ang tawo gikan sa Eden ug gipaugmad sa yuta nga iyang gigikanan. 24Gipapahawa sa Dios ang tawo ug gibutangan niya ang silangan sa tanaman sa Eden ug mga kerubin ug usa ka espada nga nagdilaab ug nagtuyoktuyok aron walay makaduol sa kanoy nga naghatag ug kinabuhi. Cain and Abel 1 Si Adan nakighilawas kang Eva nga iyang asawa ug nanamkon si Eva ug nanganak ug batang lalaki. Miingon si Eva, “ Nakabaton akog anak tungod sa panabang sa Ginoo.” Busa ginganlan niyag Cain ang bata. 2 Unya nanganak siyag laing batang lalaki nga ginganlan ug Abel. Si Abel magbantay sa mga karnero ug si Cain mag-uuma. 3 Usa ka adlaw niana, naghalad si Cain ngadto sa Ginoo ug mga abot sa iyang uma. 4 Nagkuha usab si Abel ug pipila sa mga panganay sa iyang kahayopan ug giihaw niya kini ug gihalad ang labing maayong mga bahin ngadto sa Ginoo. Nahimuot ang Ginoo kang Abel ug sa iyang halad 5 apan wala niya dawata si Cain ug ang iyang halad. Busa nasuko si Cain ug nagmug-ot. 6 Ang Ginoo miingon kang Cain, “ Nganong nasuko ug nagmug-ot ka man? 7 Kon maayo pa ang imong gibuhat, dawaton ko unta ang imong halad. Apan kay daotan man, ang sala nag-atang kanimo sama sa ihalas nga mananap nga buot motukob kanimo busa kinahanglan buntogon mo kini.” 8 Unya si Cain miingon kang Abel, “ Mangadto ta sa uma.” 1 Sa didto na sila sa kaumahan, giunay ni Cain pagpatay ang iyang igsoon. 9 Unya ang Ginoo nangutana kang Cain, “ Hain man si Abel nga imong igsoon?” Si Cain mitubag, “ Ambot! Magbalantay ba gud ko sa akong igsoon?” 10 Busa miingon ang Ginoo, “Nganong gihimo mo man kini? Nadungog ko ang dugo sa imong igsoon nga nagsangpit kanako gikan sa yuta. 11 Karon tinunglo ka na ug isalikway ka sa yuta diin ang dugo sa imong igsoon nga imong gipatay miagas ug mituhop. 12 Kon mag-uma ka, ang yuta dili na mohatag kanimog abot. Magtagotago ka ug maglatagaw nga walay pinuy-anan sa kalibotan.” 13 Si Cain miingon sa Ginoo, “ Bug-at ra kaayo kining silota. 14 Giabog mo ako gikan niining yutaa ug gikan sa imong atubangan. Maglataw ug magtagotago ako sa kalibotan ug patyon ako bisan kinsa nga makakita kanako.” 15 Apan ang Ginoo mitubag kaniya, “ Dili kana mahitabo! Ang mopatay kanimo panimaslan ug silotan ko ug pito ka pilo.” Busa gibutangan sa Ginoo ug patik si Cain aron dili siya patyon sa makakita kaniya. 16 Ug si Cain mipahilayo sa Ginoo ug mipuyo sa yuta nga ginganlag Nodm sa silangan sa Eden. Satan and the Spirit World – Is. 14:12 Ex. 28:12-19 Unsang pagkahitaboa nga nahulog ka man gikan sa langit? O Lucifer, anak sa kabuntagon. Unsang pagkahitaboa nga napukan ka man? Miingon ka man gud sa imong kasingkasing, mosaka ako sa langit ug adto ako didto ipahimutang ang akong trono ibabaw sa mga bituon sa Dios, molingkod ako usad ako sa bukid nga tigumanan. Mosaka ako ibabaw sa kapanganuran ug mahisama ako sa labing Gamhanang Dios. Apan ang kamatuoran gitambog ka hinuon sa Seol, sa kilahiladman sa bung-aw. Kaniadto simbolo ka sa kahingpit, puno sa kaalam ug hingpit ang imong kaanyag. Didto ka nagpuyo sa Eden, ang tanaman sa Dios, naputos ka nagkadaiyang mamahalong bato. Imong alahas hinimo sa bulawan ug giandam kini sa adlaw nga ikaw gibuhat. Gidihugan ko ikaw ang magbalantay nga angel, tungod kay ikaw akong pinili. Didto ka sa balaang bukid sa Dios ug naglakaw lakaw ka taliwala sa mga bato nga nagagilak gilak. Walay masaway sa imong panglihok sukad sa adlaw sa pagbuhat kanimo hangtod nakasala ka. Tungod sa pagsuway sa imong patigayon nahimo kang bangis ug nagpakasala ka. Busa gipakaulawan ko ikaw ug gisalibay gikan sa bukid sa Dios, ug gihinginlan ka sa angel nga nagabantay gikan sa bato nga nagagilakgilak nahimo kang garboso tungod sa imong katahom ug imong giusikan ang kaalam tungod lamang niini. Gitambog ko ikaw sa yuta ug gihukasan atubangan samga hari aron mamahimo kang pasidaan ngadto kanila kadtong nakakita kanimo ug magatutok kanimo, magasulti, mao kini ang tawo nga nakapatay-og sa tibuok kalibutan, nakapalinog sa mga ginharian, nga mihimo sa kalibutan nga lugar sa kamingawan ug nagagun-ob sa mga siyudad, Nga dili gusto nga ang mga piniriso makaangkon ug kagawasan. Ang tanang nasud nga nakaila kanimo nahibulong sa imong gidangatan, miabot na gayod ang makalilisang mong katapusan ug mahanaw kana hangtod sa hangtod. Noah – Genesis 6-9 Ang pagkadaotan sa katawhan. Niadtong panahona daghan na ang mga tawo sa kalibutan. Unya nakita sa Ginoo nga hilabihan kadaotan sa mga tawo sa kalibutan ug kanunay lamang ngil-ad ang ilang gihunahuna. Nagbasol siya nga gibuhat niya ang tawo diha sa kalibotan ug nakapasubo kini kaniya. Busa miingon siya, “Laglagon ko ang tanang tawo nga gibuhat . Laglagon ko usab ang tanang mananap ug mga langgam kay nagbasol ako nga gibuhat ko sila.” Apan gikahimot-an sa Ginoo si Noe. Si Noe nga usa ka matarong nga tawo. Siya lamang ang gikahimut- an sa Dios niadtong panahona kay nagmatinumanon man siya sa Dios. Adunay siyay tulo ka anak: Si Sem, si Ham ug si Japet. Unya ang Dios miingon kang Noe. “Nakahukom ako sa paglaglag sa tanang tawo. Puohon ko sila sa hingpit kay ila mang gipadagsang sa kalibutan ang ilang daotan mga buhat. Busa paghimo ug arka gikan sa kahoy nga goper. Buhati kinig mga lawak ug buliti ug aspalto ang sulod ug ang gawas niini. Ang gitas-on niini 133 ka metros, 22 ka metros ang gilapdon ug 13 ka metros ang kahabugon. Pagdalag laki ug baye sa tanang matang sa mga mananap ug sa matag matang sa mga langgam aron dili sila mapuo. Pagdala usab sa tanang matang sa pagkaon ug tipigi kini aron inyong makaon ug makaon usab sa mga mananap. Gituman ni Noe kining tanan sumala sa gisugo sa Dios kaniya. Ang Ginoo miingon kang Noe, “Sakay sa arka uban sa tibuok mong panimalay kay sa tanang mga tawo ikaw lamang ang nagbuhat ug matarong. Pagdala ug pito ka partisan nga laki ug baye sa tanang mananap nga giisip nga hinlo apan tagsa ka paris lamang ang dad-a sa mga mananap nga giisip nga hugaw. Pagdala usab ug pito ka partisan nga laki ug baye sa mga langgam aron dili sila mapuo. Kay human sa pito ka adlaw gikan karon, paulanon ko ug 40 ka adlaw ug 40 ka gabii aron pagpuo sa tanan kong binuhat nga may kinabuhi ibabaw sa yuta. Ug gituman ni Noe ang tanan nga gisugo sa Ginoo kaniya. Si Noe nagpanuigon nag 600 ug sa ika-17 nga adlaw sa ikaduhan bulan, mibuhagay ang tanang mga tubod sa tubig gikan sa kahiladman sa yuta ug nangaabli ang mga bintana sa langit ug nag-ulan sulod sa 40 ka adlaw ug 40 ka gabii. Unya gisirhan sa Ginoo ang pultahan sa arka. Mipadayon paglunop sulod sa 40 ka adlaw ug milalom pag-ayo ang tubig ug milutaw ang arka. Hilabihan gayud pagsaka sa tubig nga gilapawan niini ang tanang habog nga bukid sa kalibotan. Busa nangamatay ang tanang may kinabuhi. Ang tanang binuhat nga may gininhawa nga nagpuyo sa yuta nangamatay. Si Noe lamang ug ang iyang mga kauban didto sa arka ang wala mamatay. Ang lunop misugod paghubas human sa 150 ka adlaw. Nagpahuros ang Dios ug hangin ug misugod paghubas ang tubig. Gitakpan ang mga tubod sa kahiladman sa yuta ingon man ang mga bintana sa langit. Busa miundang ang ulan ug mipadayon paghubas ang tubig sa ika-27 nga adlaw, sa ikaduhang bulan, namala na gayud ang yuta. Unya ang Dios miingon kang N0e, “Kawas na sa arka” Busa mikawas si Noe uban sa iyang asawa ug mga anak ug sa ilang mga asawa. Sumala sa ilang matang ang tanang ihalas nga mga mananap, mga kahayopan, mga langgam ug gagmayng mga mananap nanggawas usab sa arka. Si Noe nagbuhat ug halaran alang sa Ginoo ug mikuha siyag usa sa matang sa hinlo nga mga mananap ug mga langgam ug gisunog niya kini ingon nga halad. Gipanalanginan sa Dios si Noe u gang iyang mga anak ug giingnan, “Panganak kamo aron modaghan kamo ug molukop sa tibuok kalibutan.” Unya ang Dios miingon kang Noe ug sa iyang mga anak, “Himoon ko na karon ang akong kasabotan tali kanimo ug kanako ug sa inyong mga kaliwat, ingon man sa tanang binuhat nga buhi uban kaninyo ang mga langgam, mga kahayopan ug mga ihalas nga mga mananap tanan gayud nga nanggawas sa arka. Himoon ko ang akong kasabotan tali kaninyo ug kanako: Isaad ko nga dili na gayod puohon pinaagi sa lunop ang tanang binuhat nga buhi. Dili na gayod laglagon ang kalibotan pinaagi sa lunop.” Ug ang Dios miingon, “ Agig timaan sa walay kataposang kasabotan nga akong gihimo tali kanako ug kaninyo ingon man sa tanang buhing mananap, palutawon ko ang akong bangaw diha sa kapanganoran. Timaan kini sa kasabotan tali kanako ug sa kalibotan. Kon tigomon ko na gain ang mga panganod diha sa langit ug Makita diha ang bangaw, hinumdoman ko ang akong gisaad kninyo ug sa tanang mananap nga dili ko na gayud laglagon pinaagi sa lunop ang tanang binuhat. Sa dihang Makita na ang bangaw diha sa mga panganod, tan-awon ko kini ug hinumdoman ko ang walay katapusang kasabotan tali kanako ug sa tanang binuhat nga anaasa kalibotan.” Ang Dios miingon kang Noe, “Mao kini ang ilhanan sa saad nga akong gihimo sa tanang binuhat nga buhi dinhi sa kalibotan.” Abraham – Genesis 12,13,15, & 17 Sa makadaghang nga mga katuigan sa pagkahuman kang Noah ug sa iyang mga anak nga mikanaog gikan sa arka, Ang Ginoo mipakita sa tawo nga ginganlan ug Abram. Ang Ginoo miingon kang Abram, biyai ang imong nasud, imong paryenti ug ang balay sa imong amahan ug lakaw ngadto sa nasud nga ipakita ko kanimo. Himoon ko ikaw ng dakong nasud ug panalanginan ko ikaw. Himuon kong bantogan ang imong ngalan aron mamahimo kang panalangin alang sa uban, panalanginan ko kadtong magapanalangin kanimo, apan tunglohon ko kadtong magatunglo kanimo. Pinaagi kanimo panalanginan ko ang tanang katawhan sa kalibotan. Nag-idad na ug 75 si Abram, mibiya siya sa Haran sumala sa sugo sa Dios kiniya ug mikuyog ang iyang pag-umangkon nga lalaki nga si Lot. Gidala ni Abram si Sarai nga iyang asawa, si Lot nga iyang pag- umangkon ingon man ang tanan nilang katigayonan ug mga ulipon nga ilang napanag-iya didto sa Haran ug migikan sila paingon sa yuta sa Canaan. Unya ang Ginoo mipakita kang Abram ug miingon kaniya, mao kining yutaa ang ihatag ko sa imong kaliwat. Ug didto nagbuhat si Abram ug halaran sa Ginoo nga nagpakita kaniya. Dato na kayo si Abram ug daghan na siyag binuhi nga mga kahayopan ug mga plata ug bulawan. Si Lot nga pag-umangkon ni Abram daghan usab mga binuhing hayop ug mga kampo ug dili na paigo ang sibsibanan alang sa ilang mga kahayopan kung magtipon pa silag puyo. Busa nagkaaway ang mga balantay sa mga kahayopan nila Abram ug Lot. Unya miingon si Abram kang Lot, dili angay mag-away ang imong tawo ug ang akoa kay magsuon man kita. Pagpili yuta nga buot nimong maangkon ug biya kanako. Kung adto ka sa laing dapit, adto ako sa pikas. Gipili ni Lot ang tibuok walog sa Jordan tungod kay kayutaan niini haduol sa katubigan. Sa mibiya na si Lot kaniya, ang Ginoo miingon kang Abram, “Gikan sa imong nahimutangan, lantawa pag- ayo ang tanang dapit sa Habagatan, Kanluran ug Kasagpan. Ihatag ko kanimo ug sa imong mga kaliwat ug mimo na kini sa dayon. Gidala siya sa Dios sa gawas ug miingon kaniya, hangad sa kalangitan ug ihapa ang mga bituon ug wala niya kini mayhap ug miingon ang Dios kaniya, ana kadaghan ang imong kaliwat, si Abram mituo sa Dios ug ang Dios miila kaniya nga matarong. Birth of Isaac – Genesis 18-21:1-7 Gialisdan sa Ginoo ang pangalan Abram ngadto sa pangalan nga Abraham ug nagkabaton siyag anak nga pangalan Isaac. Ang Ginoo mipakita kang Abraham samtang naglingkod ilalom sa kahoy sa ganghaan sa tolda sa adlawng totok. Si Abraham mihangad ug nakita niya ang tulo ka lalaki nga nagtindog. Sa dihang nakita niya midagan siya ug miyoko siya sa yuta, ug miingaon, Sir kung makakita akog pabor gikan kanimo ayaw biya-e ang imong sulogoon. Tugoti ako nga magkuha ug tubig aron ika himasa ninyo sa inyong tiil ug pahulay kamo ilalum sa kahoy. Tugoti usad ako sa pagkuha ug pagkaon aron inyong kaunon aron makapadayon kamo sa inyong panaw. Ug miingon sila buhata ang imong gisulti, nagdali ug adto si Abraham sa tolda ug miingon ngadto kang Sarah pagdali pagkuha ug harina ug himoang pan. Ug midagan si Abraham paingon sa kahayopan ug namili siya ug pinakatambok nga baka ug iya kining gihatag ngadto sa iyang sulogoon ug gidali niya kini pag-andam. Ug nagkuha usab siya ug kiso ug preskong gatas ug iya kining giandam, ug iya kining gidalit ngadto kanila. Samtang nangaon sila nagtindog si Abraham duol kanila ug ang usa kanila nangutana, Asa ang imong asawa nga si Sarah? Ug miingon si Abraham tu-a sa tulda. Ug ang Ginoo miingon, Mobalik ako sa sunod tuig, ug si Sarah nga imong asawa magmabdos ug manganak ug batang lalaki. Si Sarah naka dungog sa ilang gisulti nga naa sa likod ni Abraham. Si Abraham ug Sarah tigulang na kayo, ug si Sarah wala na giabot sa iyang binulan. Mikatawa si Sarah pag-ayo, karon pa hinuon nga tigulang na kayo ang akong bana ug tigulang na usab ako, unsaon namo pagkabaton ug anak. Miingon ang Ginoo kang Abraham, nganong mikatawa man si Sarah. Makabaton ba gayud akog anak nga tigulang naman kami? Aduna ba gayod malisod sa Ginoo? Mobalik gayod ako sa takdang panahon ug si Sarah makabaton ug batang lalaki. Nahadlok pag-ayo si Sarah busa namakak siya nga nag-ingon wala ako mikatawa. Ug miingon ang Ginoo mikatawa ka. Mikuyog si Abraham sa pagpalakaw kanila, ug miingon ang Ginoo ngadto kang Abraham. Si Abraham mahimong dako ug gamhanang nasud, ug ang tanang nasud sa kalibotan mapanalanginan pinaagi kaniya, tungod kay gipili ko siya aron sugoon niya ang iyang mga anak u gang umaabot pa niya nga panimalay sa pagbuhat ug mayo nga makapahimuot sa Ginoo. Ug tumanon sa Ginoo ang iyang gipromisa ngadto kang Abraham. Gipanalanginan sa Ginoo si Sarah sumala sa iyang gisaad, ug nagsabak ug nanganak ug batang lalaki sa dihang tigulang na si Abraham. Natawo ang bata sa adlaw nga gasaad sa Dios. Ginganlan ni Abraham ang bata ug Isaac ug sa pag-abot ug walo ka adlaw ang bata iya kining gituli sumala sa Gisugo sa Dios. Usa ka gatos ka tuig ang edad ni Abraham sa pagkatawo ni Isaac. Gilipay ug gipakatawa ako sa Dios. Mangutana ang tanan uban kanako inigkasayod nila niini, kinsay makasulti kang Abraham nga ako makapasuso pa? Apan ako nakabaton ug batang lalaki bisag tigulang na si Abraham. Abraham & the Sacrifice of Isaac – Genesis 22:1-18 Usa ka adlaw niana gisulayan sa Dios si Abraham ug gitawag siya, “Abraham!” Ug si Abraham mitubag, Ania ako.” Miingon ang Dios, “Dad-a si Isaac, ang bugtong mong anak nga imong gihigugma ug lakaw ngadto sa yuta sa Moria. Ihalad siya panaagi sa pagsunog kaniya didto sa bukid nga itudlo ko kanimo.” Busa sayo sa pagkabuntag nangahoy si Abraham alang sa halad. Gisangunan niya ang iyang asno ug gipakuyog niya si Isaac ug ang duha niya ka lipon. Mpadulong sila sa dapit nga gisulti kaniya sa Dios. Sa ikatulong adlaw sa layo pa si Abraham nakita niya ang dapit. Unya giingnan niya ang iyang mga ulipon, “Pabilin kamo dinhi uban sa asno. Kami ni Isaac moadto aron pagsimba ug mobalik ra unya kami nganhi.” Si Isaac maoy gipadala ni Abraham sa sugnod alang sa halad ug siya maoy nagdala sa kutselyo ug sa kalayo. Unya mapadayon silang duha. Wala madugay miingon si Isaac, “Tay!” Si Abraham mitubag, “Unsa man, anak,” Nagutana si Isaac, “Ania ang kalayo ug sugnod, apan hain man ang ihalad nga nating kamelyo?” Si Abraham mitubag, “Anak, ang Dios maoy mohatag kanato ug halad.” Ug mipadayon sila sa paglakaw. Sa pag-abot nila sa dapit nga gtudlo kaniya sa Dios, gipatindog ni Abraham ang usa ka halaran ug ibabaw niini gibutang niya ang sugnod. Gigapos niya ang iyang anak ug gipahiluna sa halaran ibabaw sa sugnod. Unya gikuha niya ang kutselyo aron patyon na unta niya si Isaac. Apan mitawag kaniya gikan sa langit ang angel sa GINOO, “Abraham, Abraham!” Mitubag siya, “Ania ako.” Ayaw unsaa ang bata,” miingon ang angel. “Nasayod na ako nga andam ka gayod pagsugot sa Dios, kay wala mo man ihikaw kanako ang imong bugtong anak.” Mitan-aw si Abraham ug nakita niya ang usa ka laking karnero kansang sungay nasangit didto sa usa ka sampinit. Gikuha niya ang laking karnero ug gisunog ingon nga halad sa Ginoo, ingon nga iyang anak. Ginganlan ni Abraham kadtong dapita ug “Ang GINOO maoy naghatag. Gikan sa langit ang angel sa GINOO mitawag pag-usab kang Abraham. Miingon siya, “Ang GINOO nag-ingon, ‘Ipanumpa ko kanimo sa akong ngalan nga panalanginan ko ikaw pag-ayo kay gihimo mo man kini ug wala mo ihikaw kanako ang imong bugtong anak. Isaad ko usab kanimo nga hatagan ko ikaw ug mga kaliwat nga sama kadaghan sa bituon sa langit ug sa balas sa baybayon. Buntogon sa imong kaliwat ang ilang mga kaaway. Ug pinaagi sa imong mga kaliwatan ang tanang kanasuran sa tibuok kalibotan mapanalanginan tungod kay ikaw nagasunod sa akong kasugoan. Jacob and the Blessing – Genesis 25:20-28 Si Isaac nag-edad na ug 40 sa dihang nangasawa siya kang Rebika. Ug si Rebika dili maka anak.. Busa nag-ampo siya sa Ginoo. Gidungog sa Ginoo ang iyang pag-ampo ug nagmabdos si Rebika. Unya miingon ang Ginoo kaniya duha ka nasud ang anaa sa imong tiyan, ang usa mahimong masgamhanan kay sa usa. Ang magulang mahimong sulogoon sa manghod. Nanganak si Rebika ug kaluhang lalaki. Ang unang migawas may pagkapula ug panit ug balhiboon ug ginganlan nila siyag Esau. Sa pagkatawo sa iyang kaluha nagkupot siya sa tikod ni Esau ginganlag Jacob. Nag-edad si Isaac ug 60 sa dihang natawo sila. Nahimong batid nga mangangayam si Esau. Samtang si Jacob hilumon ug gusto nga anha ra sa balay. Pinangga ni Isaac si Esau kay gusto man siyang mokaon sa mga inayaman ni Esau, apan si Jacob maoy pinagga ni Rebika. Sa dihang nagpabukal si Jacob ug sabaw, miabot si Esau gikan nangayam sa kapatagan. Miingon si Esau pakan-a ako nianang pula nga sabaw tungod kay gigutom ako. Apan si Jacob mitubag, pakan-on ko ikaw niini kon ihatag mo kanako ang imong mga katungod sa pagkamagulang. Miingon si Esau “Oo ihatag ko! Unsa may kapuslanan sa akung katungod sa pagkamagulang kon mamatay ako sa kagutom? Gibaligya ni Esau ang iyang pagkamagulang ngadto kang Jacob sa usa ka panaksan sa sabaw. Gipakawalay bili ni Esau ang iyang pagkamagulang. Tigulang na si Isaac ug dili na makakita. Gipatawag niya si Esau. Anak tigulang na ako ug sa dili madugay mamatay na. Busa kuhaa ang imong mga hinagiban, ug ang imong pana ug udyong. Lakaw ug pangayam, unya luto-i ako sa kinaham kong putahi ug dad-a nganhi kay akong kan-on ug panalanginan ko ikaw sa dili pa ako mamatay. Nagpaminaw si Rebecca sa gisulti ni Isaac kang Esau. Busa sa nakalakaw na si Esau gisultihan ni Rebecca si Jacob, lakaw ngadto sa toril ug pagpilig duha ka nating kanding nga tambok aron magluto ako sa kinaham nga sud-an sa imong amahan. Unya idulot kini sa imong amahan aron panalanginan ka niya sa dili pa siya mamatay. Gikuha ni Rebecca ang labing maayong sapot ni Esau nga iyang kamagulangan anak, ug gipasul-ob kang Jacob. Ug gibutangan niya sa panit sa kanding ang mga bukton ug ang hamis nga bahin sa liog ni Jacob. Unya gihatag niya kang Jacob ang lamiang sud-an ug pan nga iyang giluto. Unya miadto si Jacob sa iyang amahan ug miingon “Ania na ako. “Amahan ko! Miingon si Isaac. “ kinsa ka man, anak? Mitubag si Jacob “ako si Esau ang kamagulangan anak. Natuman ko na ang imong gisugo kanako. Busa bangon ug kaon niining dala kong sud-an aron unya panalanginan mo ako. Miingon si Isaac pagkadali ba nimong nakakuha anak? Mitubag si Jacob mitabang man gud kanako nga imong Dios. Miingon si Isaac. Ang imong tingog murag tingog ni Jacob. Apan ang imong bukton morag kang Esau. Apan nangutana si Isaac ikaw ba ang akong anak nga si Esau. Mitubag si Lacob. “Oo” miingon si Isaac hatagi ako sa linuto mong sud-an kay mokaon ako ug unya panalanginan ko ikaw. Unya miingon si Isaac. Duol pag-ayo kanako, anak, ug hagki ako. Paghalok kaniya gisimhot ni Isaac ang sapot ni Jacob ug gipanalanginan niya si Jacob. Ang baho sa akung anak sama sa baho sa uma nga gipanalanginan sa Gnoo. Hatagan ka unta sa Dios ug yanog gikan sa langit ug himoon unta niyang