Die skrywer begin die verhaal by sy jonger dae sodat ons kan verstaan waartoe hy geroep is. Die gebeure hier beskryf is aangrypend en wonder bo wonder onbeskryflik. Die skrywer deel met ons sy lewe in dele en gesamentlik gee hy die leringe daaruit, pragtig deur. Hy vergelyk soms die natuur met skriftuur en dit op ‘n unieke wyse. ‘n Móét lees ondervinding.

Die skrywer wil getuig en met u deel dat gedurende die tyd het hy met God ontmoet en ook homself leer ken. Hy beskryf dit as swaar tye maar sy beste tye met God. God is so Goed: God vra soms van ons die aardse dinge, die eindige dinge en gee ons die Hemelse-ewige in die plek daarvan. God eis sekere dinge van ons op, maar dan oorlaai Hy ons weer met Sy allerrykste seëninge. Nooit maar nooit het God eenkant gestaan en kyk hoe donkerte om hom toesak nie. Hy is sy Lig, dit het hy aan die Here se genade te danke. Wanneer ons oor God of met God wil praat, Hy sal ons leer wat om te sê, ook vandag sal Hy ons sterkte skenk.

Die manuskrip is:

*‘n belofte gestand gedoen, *die waarheid kom tot die lig, *die ware verhaal kan mense help in nood ongeag wat hul omstandighede is, *die ontdekkings is ongelooflik en U sal dit wil deel met ander.

Die hart van die verhaal is waar die skrywer gekonfronteer word, maar geweier het om ‘n korrupte Polisie man te wees, nie sonder ‘n prys nie – Sy lewe!