2015 Cnilumbumazu cha Luvale Henry Ndau CASAS BOOK SERIES NO. 111 The Centre for Advanced Studies of African Society (CASAS) i ————<i— <— ia University ot lowa Libraries DATE DUE PRINTED IN U.S.A. || yt — ~ Chilumbumazu cha Luvale (Zambia and Angola) Henry Ndau CASAS Book Series No. 111 The Centre for Advanced Studies of African Society (CASAS) ot J = P.O. Box 359 Rondebosch, 7700 i Cape Town South Africa First Published 2015 © Henry Ndau ISBN: 978-1-920287-94-8 All rights reserved. No part of this publication may be reproduced, stored in a retrieval system, or transmitted in any form or by any means, electronic, mechanical, photocopying, recording, or otherwise, without prior permission of the copyright holder. This publication was produced with the generous support of Norad and the Open Society Initiative for Southern Africa (OSISA). Printed by Dash Print = Kweulula Mazu Akuputukilako Hamyaka eyi inahichi kunyima nakuholili ngana, namuwana vathu vavavulu ava veji kuhanjikanga lilimi lya Luvale, vali mumafuchi atatu: Angola, Namibia na Zambia. Mu Angola vathu ava vavula mumbongi ya Kazombo. Mu Namibia namuvawana mu Kaprivi Strip kaha mu Zambia vavulila mungalila yakumulauko vavuluka Northwestern. Kweseka naunjiho unafumu kuli mwatha A.E. Horton, umwe hakachi kavakhuluwa vaze valivangile kusoneka lilimi lya Luvale, ngwenyi Valuvale vatwama mumiyachi yakulihandununa iwana, kweseka najingalila vatwamamo. Vakasango: ava vakhiko vatwama kungenge yakalwiji Lwena ou asulukila muchinema cha Zambezi mu Angola. Vaka-Kasavi: ava vatwama kwakamwihi nakalwiji Kasavi mu Angola. Vaka Mbunda (vathu vamavu achila): ava vatwama kusulo yamulauko mu Angola. Valuvale vaze vatwama kungenge yakalwiji Zambezi: Ava namuvawana kutanda kufuma mu Angola swi-i namu Zambia. Ava vakhiko vahanjika Luvale lwamakumbi ano elu vetavila vavavulu Iwamakumbi ano. Hakachi kavo ava hakhiko hali vaze vahanjika Luvale Iwa Sango Iwakuzeneka tuze tushilikilo twa Luvale Iwa Sango. Kamwechi chihandwa chachinene chikumako muhanjikiso yavakamiyachi ya Valuvale iwana eyi, kuvangila phamo Vakasango ava vachili nakuzachisa mazu amavulu amwaka. Mazu amwe munahase kuwanamo chihandwa anapu awa: kechi/keshi, eji/echi, shikaho/shikangaho, mukhiko/mukhimo, phamo — phamwe. Mikanda Yakulivanga mu Luvale Kusoneka chamikanda mulilimi lya Luvale chaputukile hakwiza chavakakwambulula mazu a Kalunga. Ava vapwile vindele vatondele kwambulila kutanjisa mazu a Kalunga kuli vathu vamumafuchi amu Africa, kukokela kumukombe wetu mungalila yalilimi lya Luvale. Echi chapwile mumyaka yakukokela ku 1950. Mumyaka vene eyi hakhiko mwatha Horton alumwine mukanda wa Kalunga kufuma mulilimi lya Chingeleshi nakutwala mulilimi lya Luvale. Kufumisaho mukanda wa Kalunga, ou mukulwane asonekele 4 Grammar of Luvale mu 1949, ou vatandakanyishile kuli va Witwatersrand University Press, Johannesburg, South Africa na A Dictionary of Luvale mu 1953. 111 Kapwile ikhiye kahako, kwapwile nawa vathu vakwavo vasonekele mikanda mulilimi eli. Kuheta mu 1955 mwatha Charles M. White nayikhiye asonekele mukanda wa Luvale-English Phrase Book ou vatandakanyishile kuli va Heinman Publishers, London hamwe navaka Northern Rhodesia and Nyasaland Publications Bureau. Kufuma aha jino hakhiko kwejile chilundulundu chamikanda yakusoneka mulilimi lya Luvale. Imwe eyi inapu: Chiseke, Mwana Sakapwacha na Maliya, na Wukali kuli Willie R. Mwondela, Samusweswe kuli K.J. Manuele, Kwatoku Namukwenu na Zangi Muchima kuli E.Lifuwa Lya-Mukwato, Hano Hamavu Kaheshi Kekeko kuli Paul J. Kauchingu, Mujimbu wa Musole na Kayombo kuli John C. Chikasa, Ndangwishi ja Valuvale kuli Henry M. Katawola. Mazu ngunalumbununa mumukanda uno anafumu kwekha nakwekha, kuhakilako mazu ali mumikanda vene eyi. Oloze hali chihandwa chimwe ngwatela kuvuluka nakushindakanya. Echi chinapu mwakusonekela mazu amwe. Kuneza kwalumuna mwakusonekela mazu amwe echi chinafumu hajishimbi wvanahane vakachihanda chafulumende chize chatala havyakulinangula (Ministry of Education) nakuli vakulivanga kutandakanyisa mukanda uno va Centre for the Advanced Studies of African Societies (CASAS). Ava, kweseka nalushimbi lwavo vanambe ngwavo twatela tusonekenga mujila nayilivwasana namalimi amuchihanda cha Africa kumutamba wasulo. Shikaho namuwana mazu ali nasona h ngana awa: khaka, phwevo, kheke, phili. Kaha kuli nawa mazu amokomoko akupwa nge ‘kuyayavala’ aze vananungilako lizu ma (lizu lyamunungo) nakupwa nakuyayavala. Oloze lizu lyolimwe na vanalihandula kulijina ‘Kayombo’, ngana, na Kayombo. Lijina Lyamukanda Uno Mukanda uno ngunauvuluka ‘Chilumbumazu cha Luvale’. Eli lijina kafwe linapu lyakutunga, kalyapwile lijina vazachisaho vathu kumakumbi akunyimako olozenyi mazu alijina khana a Luvale. Nge nalivwika kuli vathu kweseka nomwo ngunalilumbunwina kachi nachiwaha. Lizu eli linafumu hamazu avali aze ngunanungila nakutunga lizu limwe. Mazu awa anapu ‘chilumbununa’ na ‘mazu’. Nge kusoneka mwosena kachi kunapu kuvuluka Chilumbununa Chamazu amu Luvale. Hakufwila kuwana lijina lyamukavatu hakhiko aha kunapwila kuteta nakuhana mukanda uno lijina lya Chilumbumazu cha Luvale, mwomwo hakupwa lijina nalitonda kupwa lyalihi. — Vishinganyeka vyakusoneka mukanda wakulumbununa mazu amulilimi lya Luvale ngwaputukile kupwa navyo kumyaka yakuhambakana makumi avali kunyima kuheta halwola luno. Echi chafumine hakumona kukaluhwa chatwama hakuwana washi mazu akusonekelamo vihande mulilimi lya Luvale. Kuheta hakusoneka mukanda ou mikanda yakulumbununa mazu yanazachisanga vakuhanjika nakutanga — kuhakilaho vakakusoneka Luvale — shina mikanda ngunavuluka lyehi kwilu ya Luvale: A Grammar of Luvale, A Dictionary of Luvale na English Phrase Book. Mikanda eyi nge twamona vayisoneka kuzachisa malimi avali: English na Luvale. Lizu navalisoneka mu Luvale kaha navalimbununa mu English (mikanda vavuluka mu Chingeleshi ngwavo Bilingual Dictionary) Kusoneka mazu mujila yangana chikwechi mulimo wacho waunene ou kakavulu unapu kukafwa muthu nathachikizako lilimi limwe hakachi ka-aze malimi avali mangana athachikize kulumbunuka chalizu muze mulilimi likwavo mwatonda kulitwala. Nyi ngachilihi nge nautonda kuthachikiza kulumbunuka chalize lizu lya Luvale muze vene mulilimi likha lya Luvale. Oho jino kaha kukaluhwa chineza. Echi chikhiko changunehesele ‘kulitwika thoka’ yakusoneka mukanda wamazu a Luvale nakulumbununa mazu a Luvale mulilimi lya Luvale. Kuvezuka chami chakukilikita mulimo ou chejile mumwaka wa 1994. Oho ngocho kunahichi myaka likumi nayiwana kufuma hakuputuka chami kulilongesa nakuzata milimo yakusoneka vihande chipwe mijimbu. Kuthachikiza Munayila Mazu Amwe Lizu lyalingo mu Luvale nge mwamalimi akwavo amavulu lyeji kwalulumuka chipwe kunungilako vihanda vikwavo kweseka nomwo vali nakulizachishila. Chitalilo; lizu honga likwechi kwalumuka mujijila jikwavo eji: hongala, hongela, hongolola, hongojola, hongomoka, hongomwesa, hongonoka. Kakavulu nauwana kuhandunuka chachindende kaha chili mukachi kamazu awa. Hakupwa ngocho ngunawane nge chakutamo kusoneka lize lizu haukhawalyo kuvanga kaha haze hali kuhandunuka chachinene mukulumbunuka. Kaha nawa kuli muyachi wamazu asoloka nge mazu alingo oloze apwa majina, chitalilo, mazu akufwana kukaluhwa, kulumbwangila. Kusoneka mujila yangana lizu hilizu haukhawalyo nachipwa nge kusoneka lizu limwe kavali kavali; shikaho chachilemu kuli mukakutanga kwanuka kulumbununa echi. he University of iowa Libraries ka aeF AAa> TE TuSe,P P Mwakuzachishila Mazu ali Mumukanda Kuli muthu uze napu mwenyembo mukuhunanana kuzata chamalimi ekha naekha, nahase kumona washi-washi chihandwa chili mujila vanasonekelamo mazu ali mumukanda uno. Nangwanguhwa nakuvuluka ngwami mazu amuyachi wekha kawakaluhwile kutangako, shina aze tuli nakuvuluka makumbi ano ngwetu mazu alingo (verbs mu Inglishi). Shikaho chachilemu kuli mukakutanga kuthachikiza mwakuwanyina mazu awa kaha nawa namazu akwavo osena hakutanga chitetekezo echi: Mwakuwanyina Lizu Mazu amavulu atwama muvihanda vyavilemu vitatu: kaputu kalize lizu, shina yalyo na kasulo. Chitalilo chinapu lizu lyalingo kutambukisa. Kaputu kalizu eli kanapu ku, kaha shina inapu tambuk, numba jino hinakwiza kasulo isa. Shikaho mukusolola lizu khana omu mu Chilumbumazu cha Luvale, mangana chimwanguhwile mukakutonda lize lizu, ngunasolola kaha shina yalize lizu — tambuka nakulihaka kupwa lizu nautondela mwishi yamazu aputuka nasona t. Kaze kaputu ku hakupwa vasona navaya namazu alingo osena nge chitalilo ku(seha) ngunakasezeho nakusoneka kaha seha. Shikaho lizu nautonda linapu seha kechi kuseha ko. Oloze mu Luvale nge mwamazu akwavo amalimi a Bantu, mazu akufwana kusuuluka, kuunda, kuyayavala namazu akwavo, azata nge mazu alingo kaha mujila ikwavo nawa azata nge majina. Awa ngunawasolola nakuwalumbununa ngocho. Mazu awa akuputukilako ali muulombo wilava kuhambakana aze akuwalumbununa. Majina Chipwe Mazu Ngunasolola mazu ali mumukanda uno mujijila jekha najekha jakukafwako mukakutanga. Lijina (mukavatu jn.) ngunavangila kulisoneka hakuvuluka chuma chimwe. Kufumaho, ngunasolola kaputu kalizu khana muchipango hakuvuluka vyuma vyavivulu. Kaha ngunasolola nawa chisaka lyapandamako. Chisaka lyapandamako jino ngunalihake muchilavo chakuzundula nge ngana lin’ Chitalilo (mukavatu chtlo), lizu litemo eli mukuvula (mukavatu cvl.) nalipwa matemo. Shikaho mumukanda uno lijina lyakutonda linapu litemo. Echi chili ngocho nawa namazu akulifwana mukuhanjika oloze alihandununa mukulumbunuka. Chitalilo: mukanda' (wakutanga chipwe kusonekamo) na mukanda” (wakwingisa tundanji). Kaha nawa lizu chipwe lijina lyakuputukilako lili muulombo wilava chikuma. Eli nawa kuli kulivuluka muyachi lyapandamako: lizu lyalingo (Ing.) tahi nyi lijina (ljn). vi — Kusakwilila Nge chishimo vata ngwavo ‘kwatoku namukwenu ukhawove kaha mulyataho’, mulimo wakusoneka mukanda ou kawapwile waukhawamiko. Kakwechi muthu numba umwe mwahasa kusoneka mukanda chakuzeneka kukafwa chakufuma kuli vakwavoko. Kukafwa echi chili mwamuvulu, kulumbununamo nakusakwilila muthu himuthu kachechi chachashiko. Shikaho mulwola luno kangwahashile kwanuka vosena vanangukafwe hakusoneka mukanda unoko, oloze vathu vano nanguvuluka vavakalu kuvulyama mwomwo ngunazate navo mwamunene. Wakulivanga napu yaya Dorothy Ndau, ou ngwahulishilenga kaha washi washi angulwezelengako omwo alumbunukila mazu amwe aze ngwamuhulishile. Mukwavo sepa lyami Chitengi Sakapaji, ou ngwazachile nenyi hathando yayisuku mumilimo yakusoneka mikanda yamu Luvale. Vakwavo vanapu vaze vosena ngwakungulukilenga navo muvikungulwilo vyetu vyakusoneka mikanda yavilongeselo vyavakashikola. Vyosena twashimutwilenga vyanguhanyine kushinganyeka mwakukuluka malambu hamujila chipwe mujijila lyazachilamo limimi lya Luvale. Ava vekha vauchi shina Miyombo Katengo (mbozo) na Kakoma Kaleyi halwola vapwile vakakusonejeka vilongeselo vya Luvale Ku Curriculum Development Centre, ku Lusaka. Kuli nawa muthu kangwatela kuzeneka kusakwililako. Ou wekha wauchi shina mwatha Chiika Miyengo Muyebaa. Muthu ou ikhiye angujimbwile kuli vaka Centre for Advanced Studies of African Societies (CASAS) Capetown, South Africa, halwola twayileko mu 2007. Avalweza ngwenyi nge navatonda wakusoneka Chilumbumazu cha Luvale, muthu khana nahase kupwa ami. Vaze vaka CASAS vangulwezele kulinga ngocho kaha kufuma aha hakhiko jino ngwahakileho ngolo jakusoneka mukanda uno — chipwe tuhu ngwauputukile lyehi mu 1994. Wakukumishilako napu muthu vahanyine ava vene vaka CASAS wakuliwanyina vavene kufuma hakuvatumina mukanda ou mangana vamone nge vyuma vyapwilemo vyakuhya nakutela kuvisoneka mu Chilumbumazu echi. Ou mwatha Gilges Musumali. Mulimo nakilikita wauenene wakuhita mulizu hilizu nakusolola mujila avimwenenemo kutela. Asolwele vishinganyeka vyenyi mukusoneka kaha hakuheta kuli ami vinangukafwe kumona hamwe nahamwe havisukile nakuhisaho. Ngunafwelela mukanda ou nauzata mulimo wakukafwa kwala chihela chamikanda ikwavo nayikavako kulutwe yakufwana ngana. vii > Visaka Vyamajina Visaka vyamajina vivene mu Luvale vyosena vinapu likumi; oloze kuli vimwe vili muvihanda vikwavo. Shikaho tunahase kwamba jino ngwetu vyosena vinahete kulikumi-navitanu-naviwana (19). Chisaka hichisaka chili namajina amiyachi ivali: avyuma vyamwono navize vyakuzeneka mwono. Visaka evi vinafumu mumukanda A Dictionary of Luvale, vasoneka kuli A.E. Horton kaha vanavuluka mumukanda omu nge visaka vyavivulu evi vyafuma kukupanjika chamazu alingile Meinhof chamalimi a Ur-Bantu. Jino kweseka nakuhunanana chami ngunawane nge kuli miyachi yamajina ivali ize kayatelemo kuyilavila kuvisaka eviko — nayikhiye vene kayechimoko. Miyachi yamajina awa ngunayiwane kupwa majina avyuma vyakujina (chipwe ngwami avyuma vyakuzeneka kushindakanya kanawa — mu Chingeleshi ngwavo abstract nouns) namajina avyuma katwalavako kaha nawa kavyatwama mukeheseko (mu Chingeleshi ngwavo uncountable/collective nouns). Miyachi eyi ikhiko ngunahake kupwa chisaka 11 na 12 — ngocho nakuhetesa visaka vyosena ku 21. Tala kwala chamajina awa kweseka navisaka vyawo muvipango evi: Vuliso Muyachi 1 < a I vathu (vakwechi mwono) N vyuma kavyechi namwono 2b vyuma vyamwono fae N vami- vyuma vyamwono 3aB aed ma- vyuma kavyechi namwono vyuma vyamwono 4a. chi- vi- vyuma kavyechi namwono chi- vi- vyuma vyamwono Nn (=7 vyuma kavyechi namwono iSon”I R 4| ma, va vyuma vyamwono lu- ji- vyuma kavyechi namwono ka- tu- vyuma kavyechi namwono N > = F tu- vyuma vyamwono aja vatu- vyuma vyamwono viii