Joyce Meyer Runyankore Mubagambire ngu nimbakunda Amazima agahikire agarikukwata aha rukundo ya Ruhanga ei akwiniire Ebirimu Okutandika 1. Ruhanga nakukunda 2. Ndi murungi ohikire 3. Rukundo n’okukwatanisa 4. Rukundo, amaziima n’obwesigwa 5. Okwetantara obwooba 6. Okuburira rukundo 7. Noija kuhindurwa rukundo ya Ruhanga 8. Tunga amagara matsya Okutandika. Yikiriza ngu eky’abantu barikukirayo kwetenga omubindi byoona n’okushururirwa rukundo ya Ruhanga nk’omuntu. Okweteyereza oku nikwe kurikutuhereza obutandikiro tukagira okukwatanisa na Ruhanga haza tukaba abasinguzi omumagara gaitu g’obukristayo. Titurikwetenga amagyezi kumanya rukundo ya Ruhanga baitu okugishururwa omumitiima yaitu. Eki nikija kukorwa omwoyo orikwera wenka baitu obwo twatekateka ahari rukundo yaruhanga tukagyakira nan’omumagara gaitu obwo turikurabira omukushaaba nan’eby’ahandikiirwe. N’okwikiriza ngu Ruhanga nakunda ensi yoona oburengye nikwo kwohereza Yesu Kristo ngu afeere ebibi byaburi muntu tikyorobi kityo. Okwikiriza kwonka ngu Ruhanga nakukunda nikwe kwohereza yesu ngu akufere iwe wenka oti kukufeera nobuwakuba niwe wabaire ori wenka omunsi nikibaasa kuguma. Bwanyima yokuheeza emyaka maingi nk’omukristayo baitu nshobirwe nkarugaho nareeba rukundo ya Ruhanga eyiyangirire. Ruhanga akanyeyoreka nareeba okukunda kwe kurabira omumwoyo orikwera haza ekyo kihindurire kimwe amagara gangye hamwe n’enkwatanisa yangye na Ruhanga. Ninshaaba mukama ngu waaba noshoma ekitabo eki Ruhanga iwe nk’omuntu Ruhanga akushurire rukundo ye. Ninkuhiga ngu okishome mpora mpora kikuhwere kwetegyereza rukundo yaruhanga omubaibuli n’okwongyera kutekateka ahari ebyo ebyahandikirwe eby’orashangye aha mpapura ezirikukurataho. Mukama nakukunda munonga. Kandi nayenda omanye rukundo ye haza eyongyere kugitamburiramu burizooba omuby’orikukora byoona omumagara gawe nk’oku nanye antwarize. Ninkuhereza ekitaabo eki omubuntu ndikukimanya gye tihariho kindi kureka Ruhanga kandi nyowe nkashururirwa nayetegyereza ekigambo kye ahabw’embabazi ze zonka. 1. Ruhanga nakukunda! ‘Ahakuba oku nikwe ruhanga yakunziire ensi akahayo omwaana we omwe nyamunegyere, ngu omuntu weena arikumwikiriza arekye kuhwerekyerera, kureka atungye amagara agatahwaho.’ [Yohaana3:16] Ruhanga nayenda abe omuka kandi abe tataitwe. Tukahangwa kugira nawe akakwate tube abahara nangwa nabatabani kutura n’amagara omubwaijwire agu Yesu Kristo yafereire ngu tutungye. Eki nikimanyisa ngu nayenda tumukunde, tumwegyekyere ebyo byoona nawe ayongyere kutukunda. Nayenda tumutakire twaaba twaaba twine eniturikwetenga kandi, tumwesigye mbwenu nayenda agire enkwatanisa na buri muntu. Baingi omiritwe nitutekateka ahabyahandikirwe Yohaana 3:16 tukireeba kuba kihaango. N’amaziima Yesu akafeera ensi yoona kwonka tarafereire nkuyanja y’abantu baitu akafeera buri muntu, nahabwekyo Yesu akakufeera. Amaziima gari ngu nobuwakuba naiwe wenka owabire ari omunsi omu Yesu akaba naza kukufeera. Akaba naza kubonabonesibwa nkokuyabonaboine. Ruhanga nakukunda munonga kandi aine rukundo etahwaho. [Shooma Yeremiah 31:3] Eizooba rimwe kunabaire ninvuga Ruhanga akangira ati, Joyce ori emboone omumaisho gangye. Ahonaho nkahurira eiraka ry’omuzigu sitani arikungira, riti baitushi iwe 7 noyeyeta oha, ogwo n’omwehuriro. Nanye nkahika nagira ngu tikihikire kutekateka ntyo. Bwanyima y’okuheza kumanya ngu turi abomutaano, twine entantaranta, ebiconco nan’okubaasa okw’omutaano haza ebi nibuturetera okwetekatekaho omumuringo ogutari gwabutoosha. Kwonka amaziima gari buri muntu Ruhanga akamuhanga ari ow’omutaano. Ruhanga nakunda ebingi nahabwekyo iwe akakuhanga kuba ow’omutaano ahabandi ekirikumanyisa ngu tarikwenda iwe kw’oyeshishaniriza n’abandi ninga okwetwaramu nkabo. Ahabwe ori ow’omutaano nk’okuyakuhangire. Kunabaire nkiri aho nkirikutekateka aha bi Ruhanga yangambira, nkateera akashishani k’omukazi ari omu katare ayemereire aharubaju rw’omutumo gw’ebijuma nyamwingi, akabireeba nikwe kwenda kwihamu kimwe ekyamurebekiregye. Eki kikandetera kwetegyereza obutumwa bwa Ruhanga kugira ngu ninye kijuma kye ekirungi. Nkaba ndi ow’omutano. Nikibaasa kuba kitahikire kwonka Ruhanga buri omwe namureeba omumuringo nk’ogwe. Tarikugira ngu iwe oi ow’omutano okukira abandi ngu rero bo tibari barungi baitu natugira ngu twena turi ab’omutaano. Ruhanga nagira ati omukigambo kye, ori embone omurisho rya Ruhanga kandi n’ekigambo kye n’ekitu tweena. Ori emboone y’eriisho rya Ruhanga. 8 Obwire obwo tindayetegyereize eki Ruhanga yabaire nagyezaho kungambira ahabwokuba nkareeba kitahikire okwetekatekaho ebirungi byonka. Kwonka bwanyima y’ebiro bibiri kunshurwire baibuli nyangye omuktabo kya zabuli 17:8 nkashanga ekigambo kinzoroire amaisho; ‘Ondinde nk’embone y’eriisho, ombumbatire n’amapapagawe’. Nkegarikamu nagira nti buziima ndi embone omuriisho ryaruhanga. Kikandetera kuguma nintekateka kubuziima ndi omw’omutaano omumaisho ga Ruhanga. Nokimanya ngu Ruhanga nayenda ogume nokimanya kwori ow’omutaano, owomuhendo, kandi omuntu orikukundwa. Abantu baingi batwiire nibasherura okukundwa omumitiima yaabo haza nikwe ruhanga yatuhangire. Baingi nibaikiriza ngu Ruhanga nakunda ensi kandi agarika akunda na Yesu kwonka nikibagumira kwikiriza ngu nabakunda bo nk’abantu, kandi obwo ekigambo nikitushomesa ngu Ruhanga natukunda nk’okwarikukunda Yesu. Ahakuba Ishe akunda amworeka ebyakora byoona; kandi aryamworeka ebirikukira ebi ngu imwe mutangare. [Yohaana 5:20] Aha Ruhanga nagira ati; ebintu ebi eby’omutaano nimbikora kurabira omuri Yesu kandi nan’ebyo ebirikukira ahari ebyo nabyo nimbikora kurabira omuri Yesu obaase kutangara. Ruhanga nayenda kutushemeza arikutukorera eby’okutangaza ekiraturetere kushemererwa. Ebyahandikirwe nitubishoma kwonka obwire obwingi titurikukira kwetegyereza ebi Ruhanga arikwenda kutukorera byonka baitu tuturikwetegyereza ebyatarikwenda kukora 9