Ang Pagsumponganay (Ni San Miguel Kag Ni Lucifer) Ellen G. White 1926 Copyright © 2012 Ellen G. White Estate, Inc. Information about this Book Overview This eBook is provided by the Ellen G. White Estate. It is included in the larger free Online Books collection on the Ellen G. White Estate Web site. About the Author Ellen G. White(1827-1915)isconsideredthemostwidelytranslated American author, her works having been published in more than 160 languages. She wrote more than 100,000 pages on a wide variety of spiritual and practical topics. Guided by the Holy Spirit, she exalted Jesus and pointed to the Scriptures as the basis of one’s faith. Further Links A Brief Biography of Ellen G. White About the Ellen G. White Estate End User License Agreement The viewing, printing or downloading of this book grants you only a limited, nonexclusive and nontransferable license for use solely by you for your own personal use. This license does not permit republication, distribution, assignment, sublicense, sale, preparation of derivative works, or other use. Any unauthorized use of this book terminates the license granted hereby. Further Information For more information about the author, publishers, or how you can support this service, please contact the Ellen G. White Estate at [email protected]. We are thankful for your interest and feedback and wish you God’s blessing as you read. i ii Pauna NI nga tolon-an bumalasa, dili ginabantala sa pagsugid sa aton nga may yara nga sala, kasakit kag kaimolan sa sini nga kalibutan. Aton nga tanan nahibal-an ini sing maathag. Ini nga tolon-an dili ginabantala sa pagsugid sa aton nga may yara nga sumponganay sa ulot sang kadudulman kag kapawa, sang sala kag katarungan, sang sayup kag katadlongan, sang kabuhi kag kamatayon nga dili mapasag-uli. Sa alibutod sang aton tagiposoon aton ini nga daan nahibaloan, kag nahibaloan naton nga kita mga umalambit kag amo gid ang nagabuhat sini nga pagsumponganay. Apang sa tagsatagsa sa aton nagaabut ang mga tion sa paghan- dum sa paghibalo sing tul-id sang labing daku nga inaway. Kon paano ang pagsugod sini? Diri nga daan ini? Anano nga mga butang ang naumid sa iya makangilidlis nga talan-awon? Anano ang akon kalabtanan sa iya? Anano ang akon responsibilidad? Nasapwan ko ang akon kaugalingon sa sini nga kalibutan sa dili akon kaugalingon nga pagpili. Sa kaayohan ko bala ini okon sa kalainan? Ananong labing daku nga palatukuran ang iya naumid? Tubtub san-o magapadayon ini nga pagsinumponganay? Anano ang man- gin-iya katapusan? Magalugdang bala ini nga duta sa kadadalman sang walay adlaw, matugnaw kag walay katubtuban nga kagab-ihon subung sang ginasugid sang iban nga mga mangin-alamon sa sien- sia? Okon may yara bala nga maayo nga palaabuton sa unhan niya, nga nagaidlak sang silak sang kabuhi, nga ginapainit sang walay katubtuban nga gugma sang Dios? Ang pakiana nagalapit pagid: Anhon nga paghusay sang kagamu nga yari sa akon tagiposoon, ang inanay sa ulot sang nagasulud nga kahikaw kag sang gugma nga nagailig pagowa sa kaayohan nga nalig-on sing walay katubtuban? Anano ang ginasiling sang Biblia? Anano ang ginatudlo sang Dios sa aton sa sini nga pakiana, nga wala sing katubtuban ang iya pagkaimportante sa tagsatagsa ka kalag? Ang mga pakiana nga subung sini masugata naton sa tanan iii nga duug. Nagaalabut sila gikan sa kadadalman sang aton mga tagiposoon. Nagakinahanglan sila sing tuhoy nga sabat. Sa pagkatotoo ang Dios nga nagtuga sa sulud naton sing han- [vi] dum sa maayo, ang handum sang kamatuuran, dili mag- dumili sa paghatag sa aton sing sabat sa tanan nga kaalam nga kinahanglan; tungud kay ang “Ginoo nga si Jehoba wala gid sing pagahimoon nga indi niya igpahayag ang iya tinago sa iya mga alagad nga mga manalagna.” Ang katuyoan sini nga tolon-an, bumalasa, amo ang pagbulig sa sadtong mga kalag nga ginagamu sa pagpangita sang nagakaigo nga sabat sini nga mga pakiana. Sinulat sia sang isa nga nakadimdim kag nakasapu nga ang Dios maayo, kag nakahibalo sa iya pagpakig- angot sa Dios kag pagtoon sang iya mga pulong nga ang tinago sang Ginoo upod sa sadtong nagakahadluk sa Iya, kag nga igapahayag Niya sa ila ang Iya mga katipan. Agud nga mahangpan naton sing labing maayo ang palatukuran sining labing importante nga sinumponganay, nga nagaumid sang kabuhi sang bilog nga kalibutan, ang tagsulat sini nagbukad sa iya sa atubangan naton sa isa ka labing daku, malig-on nga leksion nga nakita nga nagkahanabu sa sulud sang nagligad nga duha ka pulo ka gatus ka mga tuig. Ang tolon-an nagapamuno sa masubu nga pagtakup sang mga talan-awon sang maragtas sang Jerusalem, ang banwa nga pinili sang Dios, sa tapus niya masikway ang Tawo sang Kalbario, nga nagkari sa pagluwas. Sumugod sa sini padayon sa ubay sang labing daku nga dalanon sang mga nasiones, na gatudlo sia sa aton sa mga pagpanghingabut sa mga inanak sang Dios sa nahauna nga mga ginatus ka tuig; sa labing daku nga pagsipak nga nagsunod sa iya iglesia; sa pagmata sang kalibutan sa Reformasion, nga sa iya ang iban nga mga palatukuran sang-paginaway napahayag sing maathag; same paglutaw kag pagpakamahal sang mga Kasulatan, kag sa ila mga mapuslanon kag manugluwas sang kabuhi nga pagbuyok; sa pagmalata sa mga pagtoloohan sa katapusan nga mga adlaw; sa pagbukas sang masidlakon nga tuburan sang mga pulong sang Dios, nga upod sang iya makatilingala nga pagougana sang kapawa kag kaalam sa pagsugata sang mga nagatulubo nga mga kabutigan kag kadudulman. Ang sinumponganay nga makita karon, pati ang labing daku nga palatukuran nga iya naumid nga sa iya wala sing indi makapasilabot ginapahayag sa labing mahapus, masanag kag malig-on. Sa katapusan ginasugiran kita sang walay katapusan kag mahi- mayaon nga pagdaug sang maayo sa kalautan, sang matarung sa sayup, sang kapawa sa kadudulman, sang kalipay sa mga kasakit, sang paglaum sa pagpakaluya, sang himaya sa kahuluy-an, sang kabuhi sa kamatayon, kag walay katubtuban, mapinadayonon nga gugma sa ibabaw sang dumut. Ang Manugpabantala [vii] Ang Pagpakilala Sa wala pa ang pagsulud sang sala si Adan nagaagum sang hilway nga pagpakigpolong sa Iya Magbubuhat sing dayag; apang kutub nga ginbulag sang tawo ang iya kaugalingon sa Dios bangud sa pagkamalinapason, ang bug-os nga mga katawohan ginbulag man sa sining mataas nga kahigayonan. Apang tungud sa paagi sa pagpanubus, wala sapayan, ang dalan ginbuksan agud ang mga pumuluyo sini nga duta makaagum gihapon sing pagpakighiangot sa langit. Ang Dios nagapakighiangot sa tawo bangud sa Iya Espiritu Santo, kag ang langitnon nga kapawa ginahatag sa kalibutan nga iya ginabugna sa Iya mga pinili nga mga alagad. Sa sulud sang nahauna nga na pulo kag lima ka gatus ka mga tuig sang maragtas sang mga katawohan, walay sinulat nga bin- ugna. Yadtong mga ginpanudloan sang Dios, nagapalaton sang ila kaalam sa iban, kag ginpalatonlaton halin sa ginikanan pa anak, sa mga kaliwatan nga nagsulunod. Ang pag-aman sang sinulat nga pulong nagsugod sa panag-on ni Moises. Ang mga binugna nga mga palanan-awon niyan ginsulat sa binugna nga tolon-an. Ini nga buluhaton nagpadayon sa sulud sang malawig nga panag-on nga mga napulo kag anum ka gatus ka mga tuig,—sumugod sa kay Moi- ses nga amo ang tagsulat sang maragtas sang pagpanuga kag sang kasugoan, tubtub sa kay San Juan, nga amo ang tagsulat sang labing langitnon nga kamatuuran sang balita. Ang Biblia nagatudlo sa Dios nga amo ang Iya Autor; apang sin- ulat sia sang mga kamut nga tawohanon; kag ang nagkalainlain nga dagway sang nagkalainlain nga tolon-an nagpahayag sang kinaugali sang nagkalainlain nga tagsulat. Ang kamatuuran nga pinahayag ginhatag tanan, “nga ginbugna sang Dios.” (2 Timoteo 3:16); apang [viii] sila ginhambal sa pulong sang tawo. “Ang mga balaan nga tawo sang Dios naghalambal, nga ginadaldal sila sang Espiritu Santo.” 2 Pedro 1:21. Ang isa nga Makaako bangud sa Iya Espiritu Santo nag-iwag sang mga painoino kag tagiposoon sang Iya mga alagad. Naghatag sia sing mga damgo kag mga palanan-awon, sing mga simbolo kag vi